’මම මේ දවස්වල ‘මොනර කඩදාසි’ ටෙලිනාට්‍යයේ රඟපානවා. මේ නාට්‍යයේ මම නිරූපණය කරන්නේ පොලිස් නිලධාරිනියකගේ චරිතයක්. මේ චරිතයේදී මට අඳින්න ලැබුණු පොලිස් ඇඳුම මට වඩා ලොකුයි.
සමහර අවස්ථාවල ඒ චරිතය රඟපාද්දී මම පොලිස් කලිසමේ ඉන අතින් අල්ලාගෙනයි රඟපෑවේ. පස්සේ කලිසම් ඉනේ ප්‍රමාණය අඩු කරගන්න ටේලර් ෂොප් එකකට පවා යන්න සිදු වුණා.
ඒ වගේම තමයි පොලිස් නිල ඇඳුමේ පිටුපසට වන්නට තිබෙන පටිය දිගට දිගයි. ඒකත් කොට කර ගන්න සිදු වුණා. කොහොම වුණත් මොන අපහසුතා මධ්‍යයේ වුණත් මම මගේ චරිතය උපරිමයෙන් මම රඟපෑවා.
