පොලිස්පති ධුරයෙහි සිටියදී දූෂිත සහ අකාර්යක්ෂම නිලධාරියෙක් ලෙස ප්‍රසිද්ධ වී සිටි මහින්ද බාලසූරිය මහතා 2011 වසරේදී විශ්‍රාම ලබා වැටුප් අරමුදල් කොල්ලකෑමට එරෙහිව කටුනායක නිදහස් වෙළෙඳ කලාපයේ සේවකයින්ගේ උද්ඝෝෂණයට වෙඩි තැබීමට අණදීමේ වගකීම භාරගනිමින් ඉල්ලා අස්විය. එම වෙඩි තැබීමෙන් රොෂාන් චානක නම් තරුණයා ජීවිතක්ෂයට පත් වූ අතර එම සිදුවීමෙන් පසුව ඔහු එක්සත් අරාබි එමීර් රාජ්‍යයේ ශ්‍රී ලංකා තානාපතිවරයා ලෙස හිටපු ජනාධිපති මහින්ද රාජපක්ෂ මහතා විසින් පත් කරනු ලැබීය.
