රෝහල් ආරංචිමාර්ග වලට අනුව අධික උෂ්ණත්වයට ගොදුරු වූ රෝගීන් විජලනය, අධික විඩාව, උෂ්ණ ආබාධ ආදියෙන් පෙළෙනවා. ඔවුන්ට කඩිනමින් ප්‍රතිකාර කටයුතු සිදු කෙරෙමින් පවතිනවා. මේ අතර නිරන්තර විදුලි කප්පාදු කිරීම් වලට ද ජනතාවට මුහුණදීමට සිදු වී තිබෙනවා. ආපදා කළමනාකරණ අධිකාරියෙන් ජනතාවට උපදෙස් ලබා දී තිබෙන්නේ හැකි තරම් නිවෙස් තුලට වී සිටීමටත් , ලිහිල් ඇඳුම් භාවිතා කරන අතරම හැකි සෑම විටම ජලය පානය කිරීමටයි.
සාමාන්‍යයෙන් මාර්තු සහ ජූනි කාලය අතරතුර දකුණු ආසියාවේ මෙවැනි උෂ්ණ කාලගුණයක් පවතී. නමුත් මේ වසරේ කාලගුණික තත්වය දරුණු අතට පත්වීම නිසා තරමක් දීර්ග සහ අධික උෂ්ණත්ව තත්ත්ව වලට මුහුණ දීමට මේ කලාපයට සිදුවී ඇතැයි බලධාරීන් පවසයි. වැසි නොමැති වීමත් රාජස්ථාන් ප්‍රදේශයේ කාන්තාර වල උෂ්ණත්වයත් සුළං තත්වයත් හේතුවෙන් උෂ්ණත්වය ඉහල යාමට බලපා ඇති බව කාලගුණ විද්‍යාඥයන් පවසනවා.
