සිද්ධියට අදාළ පැමිණිල්ල කැඳවනු ලැබූ අවස්‌ථාවේදී ඉදිරිපත් වූ කරුණු සැලකිල්ලට ගෙන මහෙස්‌ත්‍රාත්වරිය එසේ නියෝග කළාය.
රුපියල් ලක්‌ෂ දහය බැගින් සත්දෙනකු ඇපවිය යුතු බවත් ඇපකරුවන්ගෙන් දෙදෙනකු සැකකරුගේ සමීප ඥතීන් විය යුතු බවත්, සෙසු අය රජයේ සේවකයන් විය යුතු බවත්, සෑම ඇපකරුවකුම වත්කම් ප්‍රකාශන ඉදිරිපත් කළ යුතු බවත්, විදේශ ගමන් බලපත්‍ර අධිකරණය භාරයේ තැබිය යුතු බවත් සැකකරු මාසයේ සෑම අවසන් ඉරිදා දිනකම අපරාධ පරීක්‌ෂණ දෙපාර්තමේන්තුවේ වංචා විමර්ශන අංශයේ පෙනී සිටිය යුතු බවත් මහෙස්‌ත්‍රාත්වරිය වැඩිදුරටත් නියෝග කළාය.
යකඩ තොගයක්‌ ලබාදෙන බවට පොරොන්දු වී රුපියල් ලක්‌ෂ අනූහයක (96) මුදලක්‌ පුද්ගලික ව්‍යාපාරිකයෙකුගෙන් ලබාගෙන වංචා කළ බවට චෝදනාව මත අපරාධ පරීක්‌ෂණ දෙපාර්තමේන්තුවේ වංචා විමර්ශන ඒකකය මගින් අත්අඩංගුවට ගෙන රක්‌ෂිත බන්ධනාගාරගත කර අධිකරණය වෙත ඉදිරිපත් කළ සැකකරුට ඉහත සඳහන් දැඩි කොන්දේසි මත ඇප නියම විය. නඩුව ලබන ජුලි 27 දා යළි කැඳවීමට නියමිතය.
