ඉතාලියේ ඉපිද ලංකාවේ ජනප්‍රිය නිළියක් වීමට සිහින දකින ඔෂිනි
විජේමුණි ඔෂිනි අල්ලේග්‍රා, නිලියක වීමේ අරමුණින් ඉතාලියේ අධ්‍යාපනය ලබන යුවතියක්. ඔෂිනි ඉපදුණේ ඉතාලියේ. ඒ ඇයගේ මව සහ පියා ඉතාලයේ පදිංචිව සිටින නිසා. විනෝදාංශයන් ලෙස ඇය නිරූපණය හදාරනවා.
ඇයට ඕස්ට්‍රේලියාවේ මොනෑස්හි මෝස්තර නිරූපණය පිළිබඳ මෝස්තර නිරූපණය පිළිබඳ උසස් අධ්‍යාපන ආයතනයක නිරූපණ ශිල්පිය හදාරන්න අවස්ථාව උදාවෙලා තියෙනවා. ඔෂිනි රූප රැජින තරග කිහිපයකටම සහභාගි වීම සඳහා ආරාධනා ලැබුණත් ඊට අවස්ථාව නොලැබෙන්නේ වයස සම්පූර්ණ නොවීම හේතුවෙන්.
කෙටි නිවාඩුවකට මෙරටට පැමිණ සිටින ඔෂිනිට ගීතයක රූප රචනාවකට පෙනී සිටීමට ආරාධනා ලැබ තිබේ. ගීය ගයන්නේ නිරෝෂා විරාජිනි සහ කසුන් කල්හාරය. මේ ගීයේ රූප රචනාවට රඟපෑම සඳහා ජනප්‍රිය නළු රන්රජන් රාමනායක විසින් තමන්ට අවස්ථාව ලබාදීමට කැමැති වූ බව ඔෂිනි පවසනවා. රන්ජන් වැනි ප්‍රවීණයකු සමග ගීයක රූප රචනාවක රඟපෑම සිහිනයක් සැබෑ වීමක් බවද ඇය පවසන්නීය.
අපේ පවුලේ කිසිම කෙනෙක් කලාවට සම්බන්ධ නෑ. මට සහෝදරයෙක් සහ සහෝදරියන් ඉන්නවා. අම්මයි, තාත්තායි ලංකාවේ. ඒත් මම ඉපසුණේ ඉතාලියේ. මම කැමැති නිරූපණ ශිලිපිනයක් සහ රංගන ශිල්පිනියක් වීමටයි. ඒ සඳහා වැඩිදුර අධ්‍යාපනය ලබන්න මම සූදානම්. තවම වයස සම්පූර්ණ නැති නිසා බොහෝ අවස්ථාවන් මග හැරෙනවා. ඒ ගැන දුකයි. ඒත් මම ලංකාවේ ජනප්‍රිය රංගන ශිල්පිනියක් වීමේ බලාපොරොත්තුව, ආශාව අත්හරින්නේ නෑ. අම්මයි තාත්තායි කැමැතියි මම මේ ක්ෂේත්‍රයෙන් ඉදිරියට යනවාට. ඉතාලියේ අධ්‍යාපන කටයුතු කරන අතරේ මම රංගන කටයුතු වෙනුවෙන් කාලය වෙන් කර ගන්න බලාපොරොත්තු වෙනවා යැයි ඔෂිනි පවසනවා.
උපුටා ගැනීම - දිවයින මීවිත අතිරේකයෙන්
උපුටා ගැනීම - දිවයින මීවිත අතිරේකයෙන්
