මිට අදාළ අවසන් තීරණය උසස් තනතුරුවලට පත්කිරීමේ පාර්ලිමේන්තු කමිටුවේ නිර්දේශ මත ගන්නා බව පවසන නියෝජ්‍ය ඇමතිවරයා, මේ පත්වීම සම්බන්ධයෙන් පසුගිය කමිටු රැස්වීමේදී සාකච්ඡාවට නොගත් බවත් මීළඟ කමිටු රැස්වීමේදී එම කරුණ සාකච්ඡාවට භාජනය කරන බවත් කියා සිටියේය.
ෂෙනුෂ්කා සෙනවිරත්න මහත්මිය ඇයගේ ධූර කාලය තුළදී ජිනීවාහි නිත්‍ය නියෝජිතගේ නිල නිවස ප‍්‍රතිසංස්කරණය කිරීමට අදාළව සිදු කෙරෙන විමර්ශන නිම වීමට පෙර ඇය තායිලන්තයේ ශ‍්‍රී ලංකා තානාපති වශයෙන් පත් කිරීම සම්බන්ධයෙන්, උසස් පත්වීම් පිළිබඳ පාර්ලිමේන්තු කමිටුව නියෝජනය කරන ජනතා විමුක්ති පෙරමුණ ඇතුළු පක්ෂ රැසක් විරෝධය පල කර තිබිණි.
