සුරංගගේ ඉවත්ව යාමත් සමග ඔහුගේ සහයකයා වන "පිසාචයා" ලෙස ප්‍රකට ශිරාන් ශාන්තද හිරු මාධ්‍ය ජාලයෙන් ඉවත්වගොස් තිබේ.
පටිරෝල්-ඕං ආටක නාටක සඳහා ඇතිකරගත් ගිවුම් කාලය අවසන්වීමත් සමග එය නැවත අලුත්කරාගැනීමේ අදහස අතහැර මෙසේ සුරංග සතරසිංහ සහ ශිරාන් ශාන්ත හිරු මාධ්‍ය ජාලයෙන් ඉවත්ව ඇත්තේ එම ආයතනයෙන් ලැබුණු කුඩම්මාගේ සැලකිලි නිසාවෙන් බවද වාර්තා වේ.
ඕං ආටක නාටක නාට්‍යය රූපවාහිනියේ අතිශය ජනප්‍රිය වීමත් සමග එක් නාට්‍ය කොටසක් සඳහා ලබාදෙන විකාශන කාලය විනාඩි හතකට සීමා කොට වැඩිපුර වෙළඳ දැන්වීම් ප්‍රචාරය කිරීමට පාලනාධිකාරිය ගත් තීන්දුවත් සමග එම කෙටි කාලය තුල ප්‍රහසන නිර්මාණයක් කිරීමේ ගැටළුවට මැදිවූ සුරංග සතරසිංහ එම ආයතනයෙන් ඉවත්වීමට තීරනයකොට තිබේ.
හිරු එෆ්.එම් හි විකාශය වන "පටිරෝල්" වැඩසටහන මෙවර සලීම් නීල්සන් සම්මාන උළලේ වසරේ හොඳම රේඩියෝ වැඩසටහන යන සම්මානයට නිර්දේශවී තිබුන අතර හිරු පාලනාධිකාරිය විසින් එබැව් සුරංග සතරසිංහ හට දැනුම්දීමද නොසලකා හැර තිබූ බව වාර්තා වේ.
මේවනවිට හිරු ටීවී ඕං ආටක නාටක නාට්‍යය සුරංග සතරසිංහ හා ශිරාන් ශාන්ත නොමැතිව ඉදිරියට ගෙන යන අතර හිරු එෆ්.එම් පටිරෝල් සඳහා පැරණි වැඩසටහන් නැවත විකාශය කරමින් පවත්වාගෙන යන බව වාර්තා වේ.
හිරු මාධ්‍ය ජාලයෙන් ඉවත්වූ සුරංග සතරසිංහ හා ශිරාන් ශාන්ත "ෆැඩ්නා" විසින් හඳුන්වා දුන් Tummy Tea නම් තේ වර්ගයක සන්නම් තානාපති ලෙස කටයුතුකිරීමට පටන්ගෙන ඇත. මීට අමතරව පැය භාගයක් පුරා දිවෙන ප්‍රහසන නාට්‍යයක් සඳහා සුරංග සතරසින්හට අවස්තාවක් ලබාදීමට දෙරණ රූපවාහිනිය විසින් කැමැත්ත පලකොට ඇතැයි වාර්තා වේ.
සන්නම් තානාපතිවරුන් වූ සුරංග සහ ශාන්ත
