බකිංහැම් මාලිගාව නිවේදනය කළේ කේට් කුමරියගේ දෙවන දරුවා එරට වේලාවෙන් පෙරවරු 8.34ට බිහි කළ බවය. රාජකීය පවුලට එකතු වූ අලූත්ම සාමාජිකයාගේ උපත් බර 3.6 කි.ග්‍රෑම් බව විදේශ පුවත් සේවය පවසයි. දරු ප්‍රසූතිය සඳහා කේට් කුමරිය මෙවරත් ඇතුළත් කෙරුණේ ඇගේ පළමු දරුවා වන ජෝර්ජ් කුමරු උපන් ශාන්ත මරියා රෝහල වෙතට බව සඳහන්ය.
විදෙස් මාධ්‍ය වාර්තා කරන්නේ එංගලන්ත වේලාවෙන් පසුගිය 02 වැනි දා අලූයම 6.00 ට පමණ කේට් කුමරිය දරු ප්‍රසූතිය සඳහා රෝහල් ගතව ඇතැයි රජ මාළිගය නිවේදනය කළ බවයි.
