මවුබිමට ගෞරවයක්‌, කීර්තියක්‌ ගෙනදුන් මෙම උදාර පුත්‍රයා කන්තලේ පරාක්‍රම මාවතේ උපත ලද එච්. ඒ. සුගත් ඉන්ද්‍රලාල් මහතාය. වාරිමාර්ග දෙපාර්තමේන්තුවේ විශ්‍රාමික එච්. ඒ. සිරිසේන මහතා හා එච්. එම්. බණ්‌ඩාර මැණිකේ මහත්මිය ඔහුගේ මාපියෝ වෙති.
සාර්ථක යුග ජීවිතයක්‌ ගත කරමින් සිටි සුගත්ට ඔස්‌ට්‍රේලියාවේ සමාගමක ඉහළ පෙළේ රැකියාවක්‌ සඳහා යැමට වාසනාව පෑදෙන්නේ 2000 වසරේදීය. ඒ වන විට ඔහු එක්‌ දරු පියෙකි.
පසුගිය දිනෙක මෙම තරුණ යුවළ මීට වසර 26 කට පෙර මියගිය සුගත්ගේ පියාගේ ගුණ සමරුම වෙනුවෙන් ඔස්‌ට්‍රේලියාවේදී ආගමික කටයුතුවල නිරත වෙමින් සිටියදී එරට රෝහලක අසාධ්‍යව සිටි රෝගීන් තිදෙනකු සඳහා රුධිරය අවශ්‍ය බවට තොරතුරු ලැබී ඇත. එම පුණ්‍ය කටයුත්තට උරදෙන්නට දෙවරක්‌ නොසිතාම සුගත් ඉදිරිපත්වී රුධිරය පරිත්‍යාග කිරීම මෙසේ ඔහු ඇගයීමට හේතුවී ඇත.
