මෙසේ බන්ධනාගාර ගතකර ඇත්තේ මඩකලපුව සිත්තන්ඩි ප්‍රදේශයේ පදිංචි අවුරුදු විසිහතක්‌ වන ඇඟලුම් සේවිකාවකි.
එම තරුණිය ඇඟලුම් කම්හලේ පිරිසක්‌ සමඟ සීගිරිය නැරඹීමට පැමිණ කැටපත් පවුරේ කුරුටු ගීයක්‌ මකා පෙම් පණිවුඩයක්‌ සටහන් කරන අවස්‌ථාවේ නරඹන්නකු එය දැක පුරාවිද්‍යා නිලධාරීන් දැනුවත් කිරීමෙන් පසු ඇය අත්අඩංගුවට ගෙන සීගිරිය පොලිසියට භාර දී ඇත.
කැටපත් පවුර අතගෑම තහනම් බවට භාෂා තුනෙන්ම නිවේදනයක්‌ ප්‍රදර්ශනය කර තිබෙන අතර එය සැලකිල්ලට නොගෙන මීට පෙර අවස්‌ථාවකද මඩකලපුව සහ කොළඹ ප්‍රදේශයේ දෙදෙනකු කුරුටු ගී විකෘති කිරීම යටතේ පොලිසියෙන් අත්අඩංගුවට ගෙන අධිකරණයට ඉදිරිපත් කර තිබිණි.
සීගිරිය පොලිස්‌ ස්‌ථානාධිපති ප්‍රදීප් කුමාර මහතාගේ උපදෙස්‌ මත පොලිස්‌ සැරයන් (26081) නවරත්න මහතා විසින් සැකකාරිය අධිකරණයට ඉදිරිපත් කර ඇත.
