කාන්තා මැරතන් තරගය නියෝජනය කළ 29 හැවිරිදි කෙන්යානු ජාතික තරගකාරියක් ජයග්‍රහණයට මීටර් 50ක් පමණ තිබියදී බිම ඇදවැටුණි. එහෙත් බිම ඇද වැටීමෙන් පසු හෝ පරාජය භාර නොගත් ඇය දණ ගාගෙන ගොස් තරගය අවසන් කළ අකාරය ඉතාමත් සංවේදී විය.
ඇය ඇද වැටීමෙන් පසු ඇයට රෝද පුටුව ක් ලබා දුන්න ද එය ප්‍රතික්ෂේප කළ ඇය දැඩි අධිෂ්ඨානයකින් යුතුව තුන්වැන්නිය ලෙස තරගය අවසන් කළා ය. ඇය බිම ඇද වැටීමට පෙර තරගයේ පළමුවැනියා ලෙස ඉදිරියෙන් සිටියේය. එහෙත් ඇය ඇද වැටීම හේතුවෙන් තරගයේ තුන් වැනියා බවට පත්විය. එසේම ඇයට ලබාදුන් ත්‍යාග මුදලද දෙගුණ කර තිබෙනවා.
