ෆේස්බුක් පොලිස්පතිගේ දුරකථනය කොළඹ සරසවි පරිගණක අංශයට
අන්තර් ජාලය ඔස්සේ පොලිස්පතිතුමන් හා විවිධ තනතුරුවලින් පෙනී සිටිමින් කාන්තාවන් රවටා නොයෙක් ප්‍රතිලාභ ලැබූ බව කියන තරුණයා භාවිතා කළ දුරකථනය කොළඹ විශ්වවිද්‍යාලයේ පරිගණක අංශය වෙත යොමු කර විශ්ලේෂණ වාර්තාවක් කැඳවීමට කොළඹ ප්‍රධාන මහේස්ත්‍රාත් ගිහාන් පිලපිටිය මහතා ඊයේ (08) රහස් පොලීසියට නියෝග කළේය.
සැකකරු තවත් ගිණුම් 3ක ව්‍යාජ ලෙස පෙනී සිටිමින් කාන්තාවන්ගේ ප්‍රතිලාභ ලබාගෙන ඇති වටද සිද්ධිය සම්බන්ධ වැඩිදුර විමර්ශනයේදී කරුණු අනාවරණය වූ බවට රහස් පොලීසිය අධිකරණයට දැන්වීය.
2016 ජුනි මසදී Pujitha Jayasundara මුහුණු පොතෙහි ජීව දත්ත පිටුවක් මගින් පැමිණිලිකාරියට චැට් කිරීමට ඇරයුම් කර ඇති සැකකරු විවිධ ලාභ ප්‍රයෝජන ඇයගෙන් අපේක්ෂා කර ඇති බවට පැමිණිල්ලේ සඳහන්ය.
2009 වර්ෂයේදී නවසීලන්තය වෙත ගිය සැකකරු එහි සිට මෙම වරද සිදුකර ඇති බවත් නවසීලන්තයේ ඔක්ලන්ඩ් මෝටර් රථ අලුත්වැඩියා පෞද්ගලික සමාගමක මොහු සේවය කළ බවට රහස් පොලීසිය අධිකරණයට කරුණු දක්වා තිබිණි.
ඉකුත් 5 වන දා සිංගප්පූරු ගුවන් සේවයට අයත් ගුවන් යානාවකින් ශ්‍රී ලංකාවට පැමිණිමේදී රහස් පොලීසිය අත්අඩංගුවට ගෙන සැකකරු අධිකරණය වෙත ඉදිරිපත් කර ති බිණි.
අදාළ කරුණු සලකා බැලූ මහේස්ත්‍රාත්වරයා සැකකරු තවදුරටත් මේ මස 15 දින දක්වා රක්ෂිත බන්ධනාගාරගත කළේය.
