නියමිතව තිබූ වෛද්‍ය සායනයෙන් පසු ඇය සිය දරු ප්‍රසූතිය සඳහා රෝහල්ගත වීමට සූදානමින් සිට ඇත. වේගයෙන් ධාවනය වී ඇති එම බසය එම වේගයෙන්ම වංගුව ගන්නවාත් සමඟම ඇය එළියට විසිවී වැටී ඇතත් ඒ බව බස් රථයේ රියැදුරු හෝ කොන්‍ෙදාස්තරවරයා දැක නැත. මඳ දුරක් ධාවනය වූ බස් රථයේ සිටි මගීන් කෑ ගසද්දී නතර කර තිබේ. ප්‍රදේශවාසීන් එක්ව හිසට බරපතළ තුවාල ගැබූ ගැබිනි මව මාර්ගයේ ධාවනය වෙමින් තිබූ මෝටර් රථයක් නවතා ගම්පොළ රෝහලට රැගෙන විත් ඇත.
එහිදී ඇයගේ තත්ත්වය බරපතළ නිසා මහනුවර මහ රෝහලට මාරු කර යවා ඇත. ගම්පොළ පොලිස් රථ වාහන අංශයේ නිලධාරීන් එම ස්ථානයට ගොස් පරීක්ෂණ පැවැත්වීමේදී රියැදුරු පමණක් එහි සිට ඇති අතර පසුව කොන්‍ෙදාස්තරවරයා පොලිසියට භාර වී ඇත.
ඔවුන් දෙදෙනා ඊයේ (12දා) ගම්පොළ මහෙස්ත්‍රාත් අධිකරණය වෙත ඉදිරිපත් කිරීමට නියමිතව තිබිණි. ගම්පොළ කොට්ඨාස භාර ජේ‍යෂ්ඨ පොලිස් අධිකාරි ගාමිණී පෙරේරා, ස.පො. අධිකාරි චූලනී වීරරත්න, ගම්පොළ මූලස්ථාන ප්‍රධාන පොලිස් පරීක්ෂක යාපා බණ්ඩාර යන මහත්වරුන්ගේ උපදෙස් මත රථ වාහන අංශයේ වැඩබලන ස්ථානාධිපති උ.පො.ප. සමරනායක, පො.සැ. ගුණතිලක (25618) යන නිලධාරීහු පරීක්ෂණ පවත්වති.
