කොට්ටයක් මහන්න කාන්තා යට ඇඳුම් ඉස්සූ හොරෙක් මාට්ටු
රාත්‍රි කාලයේ කාන්තා යට ඇඳුම් හොරකම් කර ඒවායින් හැදූ කොට්ටයක නිදාගැනීමට පුරුදු වූ ගලේවෙල තරුණයකු අත්අඩංගුවට ගෙන දඹුල්ල අධිකරණයට ඉදිරිපත් කිරීමේදී සැකකරුගේ වෛද්‍ය වාර්තා කැඳවන තෙක් රක්ෂිත බන්ධනාගාර ගත කොට තිබේ.
කාන්තා යට ඇඳුම් සොරා ගනිමින් සිටියදී මේ පුද්ගලයා අත්අඩංගුවට ගෙන ගලේවෙල පොලිසියට භාරදී තිබෙන්නේ සිවිල් ආරක්ෂක කමිටු සාමාජිකයන් පිරිසක් විසිනි. ඔවුන්ට මේ යට ඇඳුම් හෙරා අල්ලා ගන්නට හැකිව තිබෙන්නේ ගලේවෙලට ආසන්න ගම්මානයක සිදුවූ අවමංගල්‍යයකට සහභාගිවීමට පැමිණ සිටි අවස්ථාවේ මේ පුද්ගලයා නිවෙසක් අසල සැකකටයුතු ලෙස හැසිරෙන ආකාරය නිරීක්ෂණය කිරීමේදීය. එම නිවෙසේ මිදුලේ බැඳ තිබූ රෙදි වැලකින් රෙදි සොරකම් කරනු දැක වහා ඒ වෙත ගිය මෙම කමිටු සාමාජිකයන් යට ඇඳුම් සොරා අල්ලාගෙන ගලේවෙල පොලිසියට භාරදී තිබේ.
ගලේවෙල පොලිසිය විසින් සිදු කළ විමර්ශනයකදී සොරා ගන්නා කාන්තා ඇඳුම් ඇඳීමට ප්‍රිය කරන මේ පුද්ගලයා යට ඇඳුම්වලින්ම සාදාගත් කොට්ටයක් මත හිස තබා ගෙන නිදාගන්නා බවද සොයා තෙන ඇත. සැකකරු දඹුල්ල මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුව රක්ෂිත බන්ධනාගාර ගත කර සිට නැවතත් පසුගියදා (25දා) දඹුල්ල දිසා විනිසුරු සහ මහෙස්ත්‍රාත් බණ්ඩාර කුලතුංග මහතා වෙත ඉදිරිපත් කරන ලදී. මෙහිදී මීට පෙර අධිකරණය විසින් කැඳවා තිබූ වෛද්‍ය වාර්තාව ඉදිරිපත් නොවූයෙන් සැකකරු තවදුරටත් මහෙස්ත්‍රාත්වරයා විසින් රක්ෂිත බන්ධනාගාර ගත කරන ලදී.
