මුළු ලොවම නත්තලට හා නව වසරට සූදානම් වන අවස්ථාවක Facebook Messenger යෙදුමට අලුත් සැරසිලි කිහිපයක් එක් කිරීමට Facebook සමාගම කටයුතු කර තිබෙනවා. මේ අනුව ඔබගේ නිවස මෙන්ම ඔබගේ Messenger යෙදුමත් ඔබට අවශ්‍ය පරිදි සරසා ගැනීමේ හැකියාව තිබෙනවා.
ඔබට ඔබගේ ගෘප් චැට්ස් සඳහා වෙනස් වූ වර්ණ තෝරාගත හැකිය. මීට අමතරව ඔබගේ යහලුවන්ට සුරතල් නාම නැතිනම් Nickname යෙදීමේ හැකියාවද ලැබී තිබෙනවා. මීට අමතරව ඔබගේ චැට්ස් සඳහා වෙන වෙනම emoji එක්කිරීමේ හැකියාවද ලැබී තිබෙනවා. ඔබ ඔබගේ යහළුවෙකුට නත්තල හෝ නව වසර තේමා කරගත් emoji එකක් යන සෑම අවස්ථාවකම හිම වැටෙන ආකාරයේ ඇනිමේෂන් එකක් දැක ගැනීමට හැකි වන අතර එම අවස්ථාවේදී තිරයේ දැකගත හැකි චැට්ස් හෙඩ්ස් සඳහා Snow globe effect එකක්ද එක් කිරීමට කටයුතු කර තිබෙනවා.
මීට අමතරව නුදුරේදීම Photo Magic විශේෂාංගය යෙදුමට එක්කිරීමට නියමිත අතර එමගින් ඔබගේ ඡායාරූපවල සිටින පුද්ගලයින් ස්වයංක්‍රීයව හඳුනාගෙන Share කිරීමේ හැකියාව ඔබට ලැබෙනු ඇති.
මෙම නව අංග සහිත සංස්කරණය Google Play Store හි මේ වන විට දැකගත හැකිය.
