එම පරීක්ෂණ කටයුතු කිරීමේදී අපරාධ පරීක්ෂණ දෙපාර්තමේන්තුව අත්අඩංගුවට ගෙන මුද්‍රා තබා ඇති බෝට්ටු 3ක් දෙහිවල මුහුදේ තබා ඇති හෙයින් ඒවා ආරක්ෂිත ස්ථානයක තබන්නැයි කළ ඉල්ලීමට එකඟ වූ මහේස්ත්‍රාත්වරයා එය ආරක්ෂිත වන පරිදි ස්ථානයක තබන ලෙස නියම කළේ ය.
එම අධිකරණයට අද පැමිණි උදයන්ති කුලතුංගගේ සොහොයුරිය වෙනුවෙන් පෙනී සිටි නීතීඥ ප්‍රසාද් සිල්වා මහතා කියා සිටියේ, උදයන්තිගේ සොහොයුරියගේ සැමියා වාහන අලෙවි කිරීමේ ව්‍යාපාරයේ යෙදී සිටින බව ත් එම සිද්ධියට අදාළව ඔහුගේ බැංකු ගිණුමට මුද්‍රා තබා ඇති හෙයින් ඔවුන්ගේ ව්‍යාපාරවලට එය ඉමහත් බාධාවක්ව ඇති බැවින් එය නිදහස් කරන ලෙස ය.
ඒ පිළිබඳව තීරණයක් ගැනීමට එම ගිණුමේ හිමිකරු පැමිණිය යුතු බව දැන්වූ මහේස්ත්‍රාත්වරයා එම නඩුව ලබන 19 වන දිනට කල් තැබුවේ ය.
