මොරටුව අගුලාන ප‍්‍රදේශයේ පදිංචි මෙම පිරිස කොළඹ කොටුවේ සිට උඩරට මැණිකේ දුම්රියෙන් හැටන් දුම්රිය ස්ථානය වෙත පැමිණ පැය දෙකකට ආසන්න කාලයක් මෙම අවන්හලේ බීමත්ව සිටිබවයි හැටන් පොලීසිය පවසන්නේ. මෙම සැකකරුවන් අත්අඩංගුවට ගන්නා අවස්ථාවේ මෙම සිද්ධිය සමතයකට පත්කර දෙන ලෙස එම වැටලීමට ගිය පොලිස් නිළධාරීන්ගෙන් ඉල්ලීමක්ද කර තිබෙනවා.
අත්අඩංගුවට ගත් මෙම පිරිස වෛද්‍යවරයෙකු වෙත ඉදිරිපත්කර අද (11-02) පස්වරුවේ හැටන් මහේස්ත‍්‍රාත්වරයා වෙත ඉදිරිපත් කරන බවයි හැටන් පොලීසිය පවසන්නේ. ශ්රී පාද වන්දනාවේ පැමිණෙන විට පූජනීය ස්ථානයක් ලෙස සලකා ශ‍්‍රීපාදය කරුණාකරන ලෙසත් මත්පැන් රැුගෙන නොයන ලෙසත් බීමත්ව ශ‍්‍රීපාදයට නොපැමිණෙන ලෙසත් හැටන් පොලීසිය මගින් ජනතාව දැණුවත්කර තිබෙනවා.
මෙවැනි අශෝභන ලෙස ශ්රී පාදය කරුණා කිරීමට පැමිණෙන පිරිස අත්අඩංගුවට ගැනීමට විශේෂ පොලිස් කණ්ඩායමක් යොදවා ඇති බවයි හැටන් පොලීසිය වැඩිදුරටත් පවසන්නේ.
