‘ප්ලේ බෝයි’ නම් වූ ලොව ප්‍රකට සඟරාව ශ්‍රී ලංකාව වැනි රටවල දකින්නට නැහැ. ඒ වුණත් සඟරාවේ නම කියූ සැණින්ම එය කුමන අන්දමේ ප්‍රකාශනයක්දැයි බොහෝ දෙනකු දන්නවා. ජනප්‍රිය නිළියන් සහ නිරූපිකාවන්ගේ අඩ නිරුවත් ඡායාරූපවලින් සැරසුණු ‘ප්ලේ බෝයි’ සඟරාව ප්‍රකාශයට පත් කිරීම ඇරැඹුණේ 1953 දී ඇමෙරිකාවේදීයි. මෙහි නිර්මාතෘවරයා වන්නේ තවමත් එහි ප්‍රධාන කර්තෘ ධුරය දරන 89 හැවිරිදි හියූ හෙෆ්නර්.
1953 සිට මේ දක්වා මුද්‍රණය වූ ‘ප්ලේ බෝයි’ සඟරාවේ හොලිවුඩ් සිනමාවේ ජනප්‍රිය නිළියන් ද අඩ නිරුවතින් ඡායාරූපවලට පෙනී සිටිය බව රහසක් නොවෙයි. 1970 වන විට මිලියන 5.6 ක තරම් පිටපත් ප්‍රමාණයක් අලෙවි වූ ‘ප්ලේ බෝයි’ සඟරාවේ වත්මන් අලෙවිය ලක්ෂ 8ක් දක්වා අඩුවෙලා.
මෙයට හේතු දක්වන සඟරාවේ නිර්මාතෘවරයා පවසන්නේ වත්මනෙහි විවිධාකාර මාධයයන් ඔස්සේ අසභ්‍ය ඡායාරූප ගලා යද්දී ‘ප්ලේ බෝයි’ සඟරාව ‘යල් පැන ගිය’ ප්‍රකාශනයක් වී ඇති බවයි. ඒ අනුව පසුගිය ඔක්තෝබර් කලාපයෙන් පසුව ‘ප්ලේ බෝයි’ සඟරාවෙන් අනුරාගික කාන්තා ඡායාරූප ඉවත් කරන්නට එහි නිර්මාතෘවරයා තීරණය කරලා.
ඔක්තෝබර් කලාපයෙහි කවරයේ ඡායාරූපයේ අඩනිරුවතින් පෙනී සිටියේ සුපිරි නිළි පැමලා ඇන්ඩර්සන්.
