ශ්‍රී ලංකා ක්‍රිකට් ආයතනයට සිදුවන රජයේ මැදිහත්වීම් පරීක්ෂා කර බැලීමට අන්තර් ජාතික ක්‍රිකට් කවුන්සිලය තීරණය කිරීම නිසා ශ්‍රී ලංකා ක්‍රිකට් ආයතනයට ලබා දෙන ආධාර මුදල් භාරකාර ගිණුමකට යොමු කිරීමට පියවර ගැනුනා. ශ්‍රී ලංකා ක්‍රිකට් ආයතනයට අතුරු පාලන කමිටුවක් පත් කිරි‍මේ ප්‍රතිවිපාක සහ එවැනි ක්‍රියාවකින් නිදහස් සහ සාධාරණ ලෙස නිලධාරීන් තෝරා පත් කර ගැනීමට ඇති අයිතිය සම්බන්ධ අයි.සී.සී ව්‍යවස්ථාව උල්ලංඝනය කෙරෙනවා ද යන්න සාකච්ඡාවට බඳුන් වී තිබෙනවා. ශ්‍රී ලංකා ක්‍රිකට් පරිපාලනයට සිදු කෙරෙන රජයේ මැදිහත්වීම පිළිබඳව විධිමත් ලෙස සාකච්ඡා කළමුත්, ඒ සම්බන්ධයෙන් අවසන් තීරණයක් නොගත් බව අයි සී සී ය පැවසුවා.
