සනී ලියොන් යනු කවුරුන්දැයි දැන් මුළු සිනමා ලොවට ම රහසක් නොවෙයි. සනි, බොලිවුඩ් සිනමාවට පිවිසෙන්නට කලින් ප්‍රසිද්ධව සිටියේ අසභ්‍ය චිත්‍රපටවල රඟපෑ නිළියක් හැටියටයි. ඒත් ඇය බොලිවුඩයට පා තැබූ පසුව එවැනි චිත්‍රපටවල රඟන්නට ගියේ නැහැ. ඒ වුණත් බොලිවුඩ් සිනමාවේ ජනප්‍රිය නළු නිළියන් ඇයව තවමත් ‘Porn Star’ හෙවත් ‘අසැබි චිත්‍රපට නිළිය’ නම් වූ ලේබලය අලවා තිබෙනවා. ‘ඒක් පහේලි ලීලා’ චිත්‍රපටයේ ප්‍රධාන නළුවා හැටියට මම කිහිප දෙනෙක් ම තෝරා ගත්තා. ඒ අය හැමෝම මේ චිත්‍රපටයෙ තිර රචනයට කැමැතියි. හැබැයි රඟපාන්න බැහැයි කියනවා.
සනි ලියොන් එක්ක රඟපෑමේ අකැමැත්ත තමයි ඒ හැමෝම නොකියා කියන්නෙ. නමුත් සනී අසභ්‍ය චිත්‍රපටවල රඟපෑවෙ ඉස්සර. දැන් එහෙම නැහැ. දවසක්දා සනීගෙ සැමියා ඩැනියල් වෙබර් මාව මුණ ගැහුණා. එයා මට කිව්වා, ඊළඟට තෝරා ගන්න නළුවාත් රඟපාන්න බැරිය කිව්වොත් එයාව මුණ ගැහිලා කියනවලු, “කරුණාකරලා සනි එක්ක රඟපාන්නය කියලා.” අධ්‍යක්ෂ බොබි ඛාන් එලෙස කීවේ බලාපොරොත්තු ගොනු කරගෙනයි.
