.jpg)
ඔහු මේ දක්වා අත්අඩංගුවට ගෙන තමන් වෙත ඉදිරිපත් කොට නොමැති බවත් කොටකෙතන ද්විත්ව කාන්තා ඝාතන නඩුවක සාක්ෂි දෙමින් මේ බව පවසා ඇත.
පැමිණිල්ලේ සාක්ෂිකරුවෙකු ලෙස නම් කොට සිටියද, පැමිණිල්ල වෙනුවෙන් සාක්ෂි ලබාදීමට නොකැඳවීම නිසා විත්ති පාර්ශ්වය වෙනුවෙන් නීතිඥ දර්ශන කුරුප්පු මහතාගේ මෙහෙයවීමෙන් සාක්ෂි ලබාදෙමින් රුවන් ඉලේපෙරුම මහතා මේ බව හෙළි කළේය.
විද්‍යාඥ රුවන් ඉලේපෙරුම මහතා නීතිඥ දර්ශන කුරුප්පු මහතාගේ මෙහෙයවීම යටතේ සාක්ෂි ලබාදෙමින් පවසා සිටයේ බොහෝ අපරාධවල විත්තිකරුවන් තමන්ගේ රුධිරය ඞී.එන්.ඒ. පරීක්ෂණ සඳහා ලබාදීම ප‍්‍රතික්ෂේප කළද, මේ විත්තිකරුවන් තිදෙනා මෙන්ම මෙහි රජයේ සාක්ෂිකරුවෙකු වූ ආචාරිගේ සිරිපාල නැමැත්තාද ස්වේච්ඡුාවෙන් රුධිර සාම්පල ලබාදුන් බවයි.
ඔවුන්ගේ රුධිර සාම්පල සමග ඝාතනය කළ කාන්තාවකගේ යෝනියේ තිබී සොයාගත් පුරුෂ ධාතු පරීක්ෂාවට ලක්කළ ද ඒවායේ ඞී.එන්.ඒ. රටා ගැළපුණේ නැතැයිද, එහෙත් එම පුරුෂ ධාතු පරිගණකයට ඇතුළත් කළ පසු එය තම දත්ත ගබඩාවේ තිබූ වෙනත් අපරාධයකට අදාළ පුද්ගලයෙකුගේ ඞී.එන්.ඒ. රටාව සමග සැසඳුණේ යැයිද කී විද්‍යාඥ රුවන් ඉලේපෙරුම මහතා එම ඞී.එන්.ඒ. රටාව හිමි පුද්ගලයා අද වනතුරු අත්අඩංගුවට ගෙන තමන් වෙත ඉදිරිපත් කොට නැතැයිද කීය.2010 වසරේ සිට 2012 වසර දක්වා වසර තුනක කාලයක් ඇතුළත කොටකෙතන ප‍්‍රදේශයේ සිදු වූ කාන්තා ඝාතන රැල්ලට වගකිවයුත්තා මෙම පුද්ගලයා බව හෙළි වී ඇත්තේ එක් ඝාතන සිද්ධියක් වූ ස්ථානයකදී අපරාධකරු බුලත් විටක් සපා ගැසූ කෙළ පහරක් වියළී ගිය කොස් කොළයක වැටී තිබී සොයාගත් සාම්පලයක් පරීක්ෂා කිරීමේදී බවද ඉලේපෙරුම මහතා වැඩිදුරටත් සඳහන් කර තිබේ.
