මෝස්තර නිරූපණය, රංගනය යන අංශ දෙකෙන්ම දක්ෂතා දක්වන නවක ශිල්පිනියක් තමයි අද අපි සමග කතා බහට එක්වුණේ. ඇය නමින් දිස්නි සෙනවිරත්න. මේ ඇය සමග අප කළ කතාබහයි.
මුලින්ම ඔයාගේ නම ගම වයස එහෙම කියලා පටන් ගමු නේද?
ඔව් ඒක හොඳයි. මගේ නම ඩිස්නි සෙනෙවිරත්න. දැන් මට අවුරුදු 22ක් වෙනවා. මතුගම තමයි මගේ ගම ඒත් පොඩි කාලේ ඉඳන්ම මම හැදුනේ කොට්ටාවේ...
දිස්නි කියන්නේ මොන වගේ කෙනෙක්ද?
මං ගොඩක් සරල, නිශ්ශබ්ද කෙනෙක්.
මෝස්තර නිරූපණ ක්ෂේත්‍රයට එක්වීමට කුඩා කල සිට හීනයක් තිබුණද?
මුල් කාලයේදී නම් මගේ කැමැත්ත තිබුණේ රූපලාවන්‍ය ශිල්පිනියක් වෙන්න. ඒත් ඉතින් කාලයත් එක්ක මම මෝස්තර නිරූපණයට යොමු වුණා. ඒ 2015 අවුරුද්දේ බියුටි පැජන්ට් එකකින් 1st Runner Up වුණාට පස්සේ.
ඉස්සරහට යන්න උදව් කළේ කවුද?
නික් ජයමහ සර්ගෙන් මම මූලික හැදෑරීම් කළා. බ්‍රයන් ක්රොකෝවන් ගෙනුත් මම ඉගෙන ගෙන තියෙනවා.
ඉදිරියට ආවේ මගේ හැකියාවෙන්. මගේ පිටුපසින් නිරන්තරයෙන්ම හිටියේ ප්‍රසාන් අයියා. මම යන හැම තැනකදීම මාව ආරක්ෂා කරා. දෙමව්පියනුත් මට උදව් කළා.
මොඩලින් කරද්දී ඔයාගේ සීමාවන් මොනවද?
මම මගේ ජීවිතේ හොඳම දේවල් විතරයි තෝරගන්නේ. නිරූපණයේදීත් මට ගැලපෙනම දේ විතරයි මම කරන්නේ.
මොනද ඉදිරියේදී කරන්න බලාපොරොත්තුවෙන් ඉන්නේ.
මගේම කියලා ව්‍යාපාරයක් තමයි ඉතින්.
ශ්‍රී ලංකාවේ මොඩලින් ගැන මොනවද කියන්න තියෙන්නේ.
ලංකාවේ මෝස්තර නිරූපණ ක්ෂේත්‍රය ගත්තොත් සුදුසුකම් තියෙන, ඉගෙන ගෙන තැනකට ආපු අය ටික දෙනයි ඉන්නේ. ලස්සන විතරක් පාවිච්චි කරලා ඉස්සරහට ආපු අය තමයි වැඩිපුර ඉන්නේ. අවාසනාවකට ඒක තේරුම් ගත්ත ප්‍රවිණයෝ ඉන්නේ අතලොස්සයි.
රඟපාන්න එහෙම කැමැති නැද්ද?
මම කලාවට සම්බන්ධ වෙන්නේ රංගනය හරහා. සුරේෂ් කුමාරසිංහ සහ රාජ් රණසිංහ යන මහත්වරුන්ගේ චිත්‍රපටවලට රංගනයෙන් දායක වී තිබෙනවා.
මේ ආපු දුර පිළිබඳ මොකද හිතෙන්නේ...
මේ ආපු දුර ගැන සතුටක් තියෙනවා. හොඳම පිරිසක් එක්කයි මම වැඩ කළේ. ඉදිරියටත් එහෙමයි.
රංගනයේදී/මෝස්තර නිරූපණයේ දකින්න අකමැතිම දේ කුමක්ද?
ඒ දෙඅංශයේම අකමැතිම දේ තමයි "නංගි තනියම එන්න කියන එක" ප්‍රවීණයෝ එහෙම කියන්නේ නෑ කවදාවත්ම. එයාලට ඕන අපේ ටැලන්ට් විතරයි.
ආදරය ගැන මොකද හිතන්නේ....?
දැන්ම ඒ ගැන මම හිතන්නෙ නැහැ.
දැනට ඔබ ආදරවන්තයෙක්ද? ආදරවන්තියක්ද?
නැහැ... දැනට මම ආදරවන්තියක් නෙවෙයි.
දැන් ගොඩක් අය සමාජ සත්කාර කරනවා. ෆේස්බුක් සමාජ ජාලය හරහාත් මුදල් එකතු කරමින් එවැනි දේවල් කරනවා. මේ සම්බන්ධයෙන් ඔබ දරන්නේ කුමන මතයක්ද?
ලොකු ප්‍රශ්න යනවා මමත් දැකලා තියෙනවා. පුද්ගලිකව මම ඒ කිසිදේකට අකමැත්තක් නැහැ. හොඳක් කරනවා නම් කාට හරි. වංචාත් වෙනවා ඒ අතර. දෙයක් නිකන් කරන්න පුරුද්දක් නැහැනේ ඉතින් අපේ මිනිස්සුන්ට. සාක්කුවටත් ගානක් ඕනිනේ.
දේශපාලනය ගැන ඔබේ මතය කොහොමද?
වැඩක්ම නැති මාතෘකාවක්. රැවටීම් ගොඩක්. පුද්ගලිකව මම කතා කරන්න කැමැතිම නෑ ඒ ගැන.
දිස්නි රංගනයෙන් එක්වූ චිත්‍රපටයක ගීතමය ජවනිකාවක් සහ ඇයගේ ඡායාරූප එකතුවක් පහතින් නරඹන්න.
