රටේ ජනනායකයකුගේ නමින් පවතින මීගමුවේ ප්‍රධාන ජාතික පාසලක සිසු විනය දිනෙන් දින පිරිහී එහි ඉගෙනුම ලබන සිසුන් දිනපතා සිදු කරන මැර ක්‍රියා නිසා ප්‍රදේශය පුරා විශාල ආන්දෝලනයක් පැතිරීම හේතුවෙන් ඊට සුදුසු ක්‍රියා මාර්ගයක්‌ ගන්නැයි මීගමුව පොලිසිය සහ එම විදුහලේ සිසු සිසුවියන්ගේ දෙමාපියෝ අධ්‍යාපන ඇමැතිවරයාගෙන් සහ අධ්‍යාපන අමාත්‍යාංශයෙන් ඉල්ලා සිටිති.
එම විදුහලේ සිටින සිසුන්ගේ මැර ක්‍රියා සම්බන්ධයෙන් මීගමුව පොලිසියේ පැමිණිලි පොත මේ වන විට පිරී ඇති අතර පොලිසියට මහජන ගැටලු විසඳීම පසෙක තිබියදී මෙම ශිෂ්‍ය ගැටලු විසඳීමට මැදිහත් වීමට සිදුව ඇතැයි පොලිසිය පවසයි. මෙම ගැටලු සම්බන්ධයෙන් අඩු තරමින් සාකච්ඡා කිරීමට හෝ මේ දක්‌වා එම විදුහලේ විදුහල්පතිවරයා මීගමුව පොලිසිය සමඟ සම්බන්ධ වීමට කිසිදු උත්සාහයක්‌ ගෙන නැතැයි මීගමුව පොලිස්‌ ආරංචි මාර්ග වලින් හෙළිවේ.
මීගමුවේ තවත් පාසල් රැසක්‌ ඇතත් එහි සිසුන් හෝ ගුරුවරුන්ගෙන් මෙලෙස කිසිදු පැමිණිල්ලක්‌ හෝa පොලිසියට කිසිදු විනය විරෝධී සිදු වීමක්‌ වාර්තා නොවීම පිළිබඳ එම පාසල්වල විදුහල්පතිවරුන්ට පොලිසියට ප්‍රශංසා කර සිටී.
මෙම විදුහලේ 17 හැවිරිදි සිසුවෙකු සංවිධානාත්මක පිරිසක්‌ විසින් පසුගියදා පැහැරගෙන ගොස්‌ පහරදී ඇත්තේ විදුහලේ සිසුන් අතර වූ සිසු ආරවුලක්‌ දුරදිග යැම නිසා බව පොලිස්‌ විමර්ශනවලදී හෙළිදරව් වී ඇත. මේ වන විට විදුහලේ පරිපාලනය සම්පූර්ණයෙන් බිඳ වැටී ඇතැයි පවසන එම විදුහලේ සිසු සිසුවියන්ගේ දෙමාපියන් විදුහලේ පවතින ප්‍රචණ්‌ඩකාරී තත්ත්වය යටපත් කර ගැනීම සඳහා විදුහල ඉදිරියේ 5 ශිෂ්‍යත්වයෙන් සමත්වූ සිසු- සිසුවියන්ගේ ඡායාරූප සහිත බැනරයක්‌ ප්‍රදර්ශනය කරමින් මැර ක්‍රියා පිළිබඳ ජනතාවට කොළේa වසා ගැනීමට විදුහල් බලධාරීන් විසින් ක්‍රියා කරන බවට දෙමාපියන් චෝදනා කරති.
මීගමුව අධ්‍යාපන බල ප්‍රදේශයේ අධ්‍යාපනය කොතරම් පිරිහී ඇත්දැයි කිවහොත් මෙවර 5 ශිෂ්‍යත්ව විභාගයට පෙනී සිටි දිවයිනේ අධ්‍යාපන කලාප 98 අතරින් මීගමුව කලාපයට හිමිව ඇත්තේ 87 වැනි ස්‌ථානය බව අධ්‍යාපන අමාත්‍යාංශ වාර්තාවලින් වැඩිදුරටත් හෙළිදරව් වේ.
