ඒ අනුව නාවික හමුදාවේ ජ්‍යෙෂ්ඨ නිලධාරීන් කණ්‌ඩායමකින් යුත් කමිටුවක්‌ මගින් පරීක්‍ෂණයක්‌ ආරම්භ කර ඇතැයි නාවික හමුදා මාධ්‍ය ප්‍රකාශක කමාන්ඩර් කෝසල වර්ණකුලසූරිය මහතා ඊයේ (28 වැනිදා) පැවැසීය. යෝෂිත රාජපක්‍ෂ මහතා නාවික හමුදාවෙන් ඉවත් කරන ලෙස නාවික හමුදාපතිවරයාගෙන් ඉල්ලීමක්‌ කර තිබෙන අතර එයට අනුමැතිය හිමි වී නැතැයි ද වර්ණකුලසූරිය මහතා කීය.
යෝෂිත රාජපක්‍ෂ මහතා නාවික හමුදාවට බඳවා ගැනීමෙන් පසු ඔහුට හිමි වූ නිලතල, විදෙස්‌ පුහුණුව සහ නාවික හමුදාවේ සිටිමින් දේශපාලනය කිරීම ඇතුළු චෝදනා කිහිපයක්‌ ඔස්‌සේ පරීක්‍ෂණ සිදුකෙරේ.
