චිත්‍රපටයේ ෂූටින් අතරතුර ලැබුණු චොකලට් එකක් බෙදාගන්න ගිහින් බියංකා මුහුණ දුන් සිදුවීමක් අපිත් දැන ගත්තා.
‘ටෙලි නාට්‍ය සහ චිත්‍රපට කිහිපයකම මම මේ දවස්වල රඟපානවා. මේවායේ රූගත කිරීම් අතරතුර විවිධ විනෝදජනක දේවල් සිදුවෙනවා.
මොන දේ වුණත් අපි සහෝදරත්වයෙන් යුතුව එකා වගේ තමයි රංගන කටයුතුවල නියැළෙන්නේ.
කෑමක් බීමක් වුණත් බෙදාගෙන තමයි කන්නේ බොන්නේ. පසුගිය දවසක එවැනි ලස්සන අත්දැකීමකට මම මුහුණ දුන්නා.
මට සෙට් එකේ කෙනෙක් පොඩි චොකලට් එකක් දුන්නා. මම එය කඩලා පොඩි කෑල්ලක් අපිත් එක්ක රඟපාන සුරේෂ්ට දුන්නා. ඒක දැකපු මිහිරත් එතනට ඇවිත් කෑල්ලක් ඉල්ල ගත්තා.
කොහොම කොහොම හරි සෙට් එකේම අය පෝළිමට චොකලට් කන්න එනවා.
බෙදන්න තරම් චොකල්ට් නැති නිසා චොකලට් එක කුඩු කරල තමයි හැමෝටම කන්න වුණේ.
